Автор: administrator

Објавено на од — Остави коментар

Отворена е првата книжарница на „Бата прес“!  

Драги читатели и пријатели,  

Чест и задоволство ни е да ви ја пренесеме убавата вест – ја отворивме првата книжарница на издавачката куќа „Бата прес“! Се наоѓа во деловниот центар „Алуминка“, на бул. „Партизански одреди“ број 70, локал 9, во Карпош 3, во близина на „Сити мол“ и „Лептокарија“.  

Во нашата мала, но симпатична книжарница, можете да ги видите, разгледате и купите исклучиво книгите објавени од „Бата прес“ – книги од други издавачи нема да најдете кај нас. Од нашата прва книга „Македонска бизнис елита“ во 1996 година, па сè до денес, имаме објавено речиси 500 наслови. После триесет години работа во издаваштвото, решивме да направиме уште еден чекор напред и да го отвориме нашиот прв продажен салон.  

Книжарницата е отворена од понеделник до петок, од 8:00 до 16:00 часот, и срдечно ве каниме да нè посетите кога ќе ви дозволи времето. Без разлика дали сте наш верен читател, библиотека или медиум, ќе ни биде драго да ве пречекаме!  

Ви благодариме што сте дел од нашата приказна и што ја поддржувате нашата работа!  

Срдечен поздрав,

„Бата прес“  

Објавено на од — Остави коментар

Ѕвездата на „Птиците умираат пеејќи“ отсега ќе свети на небото

На 29 март 2025 година, светот на филмот и телевизијата се прости од една вистинска легенда – американскиот актер Ричард Чемберлен. На 90-годишна возраст, тој почина на Хаваи од компликации предизвикани од мозочен удар.

Незабораниот отец Ралф

За многумина ширум светот, а особено во Македонија, Ричард Чемберлен ќе остане засекогаш запаметен како отец Ралф од мини-серијата „Птиците умираат пеејќи“ (The Thorn Birds). Оваа екранизација на романот од Колин Мекалоу, премиерно прикажана во 1983 година, освои милиони срца со својата приказна за љубовта, жртвата и внатрешните конфликти. Чемберлен, со својата харизма, го оживеа ликот на свештеникот кој се бори меѓу својата вера и забранетата љубов кон Меги. Во Македонија, серијата стана култна, а неговата интерпретација остави траен впечаток кај генерации гледачи.

Интересно е што романот „Птиците умираат пеејќи“ е за првпат преведен и објавен на македонски јазик, пред неколку години, со што приказната стана достапна и за нашата читателска публика. Книгата, исто како и серијата, ја раскажува трогателната сага, а Чемберлен мајсторски ја долови нејзината суштина на екранот.

Патот до ѕвездите

Кариерата на Ричард Чемберлен започна во 1960-тите со улогата во серијата „Доктор Килдер“, каде што го играше главниот лик и брзо се етаблира како телевизиска ѕвезда. Подоцна блесна во проекти како мини-серијата „Сегун“, каде што го толкуваше Џон Блекторн, како и во адаптациите на „Грофот Монте Кристо“ и „Тајната на Борновиот идентитет“. Неговата способност да се трансформира во различни ликови – од романтични херои до историски личности – му донесе статус на еден од најпрепознатливите актери на својата ера.

Наследство кое ќе живее

Иако последните години од животот ги помина подалеку од рефлекторите, веста за неговото заминување предизвика бран од емоции кај обожавателите ширум светот. Во Македонија, каде што „Птиците умираат пеејќи“ остана омилена серија, неговото заминување е проследено со тага, но и со благодарност за уметноста што ни ја подари. Ричард Чемберлен не беше само актер – тој беше симбол на една ера во телевизијата и филмот. Неговото наследство ќе продолжи да живее преку неговите улоги и преку страниците на книгата „Птиците умираат пеејќи“, чија приказна тој толку маестрално ја оживеа.

Нека почива во мир, а неговата ѕвезда нека свети вечно на небото.

Објавено на од — Остави коментар

Сликовници за развој на моториката кај децата

Нашите први интерактивни сликовници од серијалот „За вешти прстиња“ од Бенџи Дејвис, со механизми за развој на моториката кај децата. Прозорчиња што излегуваат со помош на тркалца и други елементи што се извлекуваат и вовлекуваат и се вистинска забава за целото семејство. Книгата има и едноставен римуван текст со впечатливи, прекрасни цртежи.

„Медо Чедо гаси пожар“ и „Медо Чедо помага за Божик“ се исклучително популарни книги во светот. Еден од најпродаваните серијали, во кои најмногу ќе се пронајдат малечките од 1 до 3 години, но се разбира ги охрабруваме и помалите дечиња да почнат да си играат со оваа одлична сликовница и да ја развијат моториката. И не, нема брзо да се оштети, бидејќи се изработени од високо квалитетен цврст картон со повеќе слоеви и дебелина на страниците од 4 милиметри. Има 10 вакви страници со вградени подвижни механизми и страниците се со големина 18 х 18 сантиметри.

Во секоја сликовница од серијалот, Медо Чедо има некаква задача. Во едната тој е пожарникар и ние заедно со него ќе добиеме итен повик, а низ пожарникарската шипка, ќе го спуштиме на приземјето, ќе облече пожарникарско одело и заедно со екипата ќе го збрмчат моторот на пожарникарското возило и ќе тргнат од пожарната. Ќе се возиме низ целиот град и на крајот Медо Чедо ќе биде херој на денот.

Во другата сликовница, Медо Чедо ќе се подготвува за Божик и ќе му помага на Дедо Мраз. Ќе ја полни санката со подароци, ќе носи подароци и ќе летаат заедно за подароците навреме да пристигнат кај сите.

До недела сме во Сити мол, и им ги препорачуваме на сите млади мајки, бидејќи овие сликовници, навистина ќе им помогнат во текот на денот, со тоа што децата сами ќе си играат со сликовницата, ќе ги влечат прозорчињата и ќе се забавуваат, ќе ја подобрат моториката и прецизноста и најважно од сѐ ви гарантираме дека ќе се заљубат во Медо Чедо. А и не е лоша идеја ако познавате некоја млада мајка, да ѝ подарите една ваква предобра сликовница.

Бенџи Дејвис е наградуван британски писател, илустратор и редактор на анимирани филмови. Се смета за еден најдобрите современи илустратори. Неговите сликовници се преведени на повеќе од 35 јазици и печатени се во повеќе од шест милиони примероци во различните краеви од светот.

Тој е роден 1980 година во Питербург.

Бенџи Дејвис во соработка со издавачката куќа „Nosy Crow“ постојано црта за серијалот на внимателно и стручно дизајнираните, интерактивните сликовници „Bizzy Bear“ (на македонски се Медо Чедо), кои се многу популарни во целиот свет. „Бата прес“ се приклучи на светскиот тренд и објави два негови наслови.

Цена на сликовницата е 499 денари.

Медо Чедо гаси пожар

Original price was: 499 ден.Current price is: 400 ден.
Регистрирај се, нарачај ја оваа книга и освој 40 Поени!
Category: , ,
Tags:

Медо Чедо помага за Божик

Original price was: 499 ден.Current price is: 400 ден.
Регистрирај се, нарачај ја оваа книга и освој 40 Поени!
Category: ,
Tags:
Објавено на од — Остави коментар

До недела сме во „Штип Сити мол“

Почнавме со обиколка на Македонија. Прва станица: градот со најубава пастрмајлија – Штип

Штипјани, од денес до недела ве чекаме во модерниот и преубав трговски „Штип сити мол“. Можете да ги најдете нашите книги на приземје, на нашиот штанд по намалени цени.

Трговскиот работи секој ден од 10:00 до 22:00. На штандот се претставени поголемиот дел од новите и актуелните наслови и секако ова супер прилика да си набавите одлични книги по супер цени за ова лето.

Ве очекуваме.

Објавено на од — Остави коментар

Какви книги да читаш, според бојата на јајцето што ти се допаѓа?!

Ако најмногу ти се допаѓа црвеното јајце, тогаш прочитај ја „Последната роза во Шангај“. Емотивна книга со длабока порака, исполнета со недозволена љубов во времето на Втората светска војна. Црвената боја е за страсни, амбициозни и личности со силна желба, како и главниот лик во книгата Аји.

Ако ти е најубаво зеленото јајце, тогаш треба да ја прочиташ „Анатомија на скандалот“. Трилер во кој привилегиите на богатите се ставени на тест во судница. Зелената боја е за силни личности, исклучително интелигентни, смирени и љубопитни, исто како адвокатката во оваа книга.

Ако најмногу сакаш виолетово јајце, тогаш треба да ја прочиташ „Сѐ поради еден војвода“. Чувствителна и нежна книга со главен лик кој има голема харизма, исто како и љубителите на виолетовата боја.

Ако се согласуваш или не се согласуваш со нашите експерти, пиши во коментар.

Објавено на од — Остави коментар

Како најлесно да го откачиш својот шеф, ако ти досаѓа за 1 Мај?!

Како најлесно да го откачиш својот шеф, ако ти досаѓа за 1 Мај?!

Едноставно е, треба да поставиш граници, за да имаш мир. Ако сè уште не се чувствуваш удобно кога одбиваш нечие барање, веднаш нарачај ја и прочитај ја оваа книга од Недра Гловер Таваб, една од најпопуларните експертки и психолози. Таа има нешто помалку од 2 милиони следбеници на Инстаграм. Со оваа книга ќе научиш кога треба да кажеш „не” и да поставиш „здрави граници“, а притоа да не го навредиш или повредиш соговорникот, односно оној што бара услуга од тебе. Мораме да ги усогласиме работата и приватниот живот, да излеземе на крај со токсичните луѓе и да уживаме во квалитетните односи со партнерот, пријателите и семејството.

Честит 1 мај, вредни луѓе!

Објавено на од — Остави коментар

Акција во „Стокомак“! Сликовници што ќе ги заспијат вашите деца

Вашето дете не сака да заспие?

🥱Сликовниците што ќе ги заспијат вашите дечиња за 10 минути од денес во продажба во сите маркети на „Стокомак“ по неверојатна цена од само 199 денари! Оваа цена важи само за време на акцијата.

⌛Децата се неуморни во нивната авантура и во нивните игри и нормално е да не сакаат да легнат да спијат. Затоа нашата препорака е да се обидете да им стекнете навика и рутина навреме да заспиваат со приказна за добра ноќ.

„Малото змејче“ и „Малата сирена“ се сликовници од едицијата „Десет минути до спиење“, преведени се на 30 јазици и продадени се преку 2 500 000 книги во светот.

Објавено на од — Остави коментар

ОБЈАВЕНА КНИГАТА „КОЈ Е ГЛАВЕН ДЕНЕС“ ОД НАТАША КОНЦ ЛОРЕНЦУТИ

Во издание на „Бата прес“ излезе од печат книгата за деца и млади „Кој e денес главен“ од словенечката писателка Наташа Конц Лоренцути. Книгата на македонски ја преведе универзитетската професорка Лидија Аризанковска, а илустрациите се на познатата словенечка илустраторка Тања Комадина. Објавувањето на ова дело е подржано од Европската Унија  и Министерството за култура,  во рамките на проектот „За нивната иднина“ со кој „Бата прес“, оваа и минатата година во програмата „Креативна Европа“ објавува петнаесет книги за деца и млади од петнаесет познати европски автори.

Книгата за деца и млади „Кој денес главен“ е духовита и интересна приказна со преубави илустрации. Приказната ја следи Ника. Таа е најмалото девојче во семејството и едвај чека да биде главна. И тоа ќе се случи, се разбира. Но, пред да биде главна треба да поминат неколку годишни времиња и треба да направи неколку урнебесни работи, да патува, да си игра, да научи нешто ново и малку да порасне…

Наташа Конц Лоренцути (1970) дипломирала на Академијата за театар, радио, филм и телевизија во Љубљана, каде што и магистрирала во 2010 година. Во периодот од 1994 година до 1999 година била ангажирана како актерка во два професионални словенечки театри, а од 1999 година се посветила на литературата. Досега има објавено тринаесет книги за деца и млади и три книги за возрасни. Нејзините книги биле номинирани за наградата „Оригинална словенечка сликовница“ и наградата „Модра птица“, а исто така по двапати за наградите „Десетница“ и „Вечерница“. Нејзината проза за возрасни трипати ја освоила наградата „Женски глас“, а два пати ја освоила наградата „Младика“ во Трст. Покрај нејзината работа како писателка, десет години предавала драма во средното училиште „Нова Горица“, каде што учениците ги играат нејзините драми.

Објавено на од — Остави коментар

Базар на книги во „Веро центар“

Осми март е ден ЗА НЕА – за вашата мајка, сестра, баба, другарка, пријателка, колешка, сосетка, соработничка… ЗА НЕА, која заслужува да ја храни својата духовна сила. ЗА НЕА, која заслужува да има слободно време за себе, за читање. ЗА НЕА, која заслужува подарок КНИГА!

Од денес до недела, нашите издавачи се на Осмомартовски книжевен базар во „Веро Центар“. Тука сме за 8 Март, ЗА НЕА, за книга ЗА СЕКОЈА ЖЕНА!

Објавено на од — Остави коментар

Бараме PHP програмер за имплементација на виртуелен ПОС од Халкбанка

Бараме PHP програмер за имплементација на виртуелен ПОС од Халкбанка

Поради промените кои „Халкбанка“ ги направи во нивниот виртуелен ПОС за трансакции, на нашата веб страница, новата верзија бара промени во кодот и ќе биде потребно повторно поврзување на нашата веб страница со банката. Тие очекуваат прво да се тестира во пробна околина, а потоа да се префрлиме на продукциска околина. Од она што нè информираа од банката е дека досегашниот алгоритам hash ver1 по 15 март нема да биде поддржан и нема да можат да се прават трансакции и ќе можат да се прават трансакции само со алгоритмите ver2 и ver3.

Од банката ни ги приложија потребните документи за интеграција што можат да се користат за миграцијата. За какви било прашања, ќе ви биде доставен и имејлот за контакт за поддршка од „Пејтен“ во Турција.

Нашата веб страница е работена со популарниот модул Woocommerce во WordPress. Доколку имате искуство и исклучително високо познавање од оваа област, ве молиме пишете ни ја вашата понуда на info@batapress.mk.