Објавено на

Рецензија за „Вон жариштето“ на Викторија Јорданоска

Книга која изобилува со незаборавни и впечатливи слики кои остануваат со нас поради нивната живописност. Иако можеби е одраз на едно далечно минато, за миг ги доживеав многу блиски децата и возрасните од приказната, посакувајќи истата никогаш да не заврши. Преку младата Јоланда е претставен гласот на жените и девојчињата за време на војната која ја водат во домовите, решавајќи ги секојдневните проблеми и неправди. Тие истовремено се победници и губитници кои ги чувствуваат последиците од конфликтот, иако во реалноста се секогаш далеку од предниот фронт, односно од военото жариште. Од друга страна се мажите и младите момчиња, како братот на Јоле на кого војната му е во прв план а семејството секогаш во втор.

Ова е приказна за една фамилија раскажана од едно младо,  весело девојче Јоланда, која е испреплетена со психолошки елементи и е одличен избор за секој читател. Приказна во која се испреплетени суровата реалност на војната, храброста, бруталноста, семејните односи и вредности, загубата и љубовта. Роман кој е врвно дело на познатата италијанска авторка Кјара Карминати, со одлична нарација заснована на дневници, сведоштва, извештаи и документи, преку кои во сегашниот свет во кој живееме ни го доловува далечното минато и суровоста на војната.

Викторија Јорданоска

Објавено на

Книга на неделата: „Градот и градот“ од Чајна Миевил

Од 03.05 до 09.05, можете да ја нарачате книгата „Градот и градот“ од британскиот писател Чајна Миевил. Според книгата е снимена и истоимента серија на BBC. Во прилог, погледнете го видео трејлерот од серијата.

Она што е интересно е за оваа приказна е што градовите каде што се одвива дејствието потсетува на типичен град од Балканот како Скопје и Сараево, само што овие два града се измислени и не е јасно каде точно се наоѓаат, иако во еден момент во книгата се споменува и Скопје како дестинација од каде има директен лет со авион до Бесел. Ова е таква книга, што најверојатно немате прочитано ниедна слична на неа и претставува мешавина од трилер и „чудна фикција“, жанр на книги за кој Чајна Миевил се смета за еден од основоположниците на оваа категорија приказни. Инаку, ова и не е така чудно ако се земе предвид дека Чајна, има престојувано на овие простори. Во прилог едно од неговите интересни и уникатни интервјуа.

Во прилог, кратката содржина на книгата:

Кога во несекојдневниот, остарен град Бесел, некаде на периферијата на Европа, ќе го откријат телото на убиената жена, инспекторот Борлу од Единицата за екстремни злосторства смета дека тоа ќе биде рутински случај. Но како што истрагата напредува, доказите почнуваат да укажуваат на заговори што се многу почудни и повеќе погубни отколку што претпоставуваше. Набрзо истрагата станува преопасна и за него и за оние што му се важни и Борлу мора да ја премине границата каква што не постои никаде на друго место и да отпатува во една метропола на држава која е исто толку чудна колку и неговиот град.
„Одличен роман на тема полициски процес и прекрасна урбана фантастика, ова е основно четиво за љубителите на детективски и фантастичен роман.“
Booklist

„Кога духовното чедо на Филип К. Дик и Рејмонд Чандлер би го негувал Франц Кафка, делото што од тоа би настанало би потсетувало на романот Градот и градот од Миевил.“
Los Angeles Times

Според овој роман во Лондон е снимена популарната телевизиска серија под наслов The City and the City во продукција на BBC Two.

Кликнете на линкот и нарачајте ја книгата со 40% попуст:

Објавено на

Количинска акција

Драги читатели,

Од 07.05.2021 до 31.05.2021 имате можност да ги нарачате нашите книги во количинската акција. Поточно, книгите подолу можете да ги нарачате со 20% попуст, но доколку изберете две книги, автоматски пресметува дополнителен попуст од 20% (вкупно 40%), а доколку нарачате три или повеќе книги, автоматски се пресметува дополнителен попуст од 30% (вкупно 50%). Оваа акција важи за книгите подолу и важи само онлајн на нашата веб страница. Можно е да се нарача и преку социјалните мрежи преку порака, или да се јавите на нашиот телефонски број 076 636 082. Наслови во акцијата:

Време е за книга

ВРЕМЕ Е ЗА КНИГА!

#времеезакнига​ е проект за подигнување на свеста за вредонста на книгите со посебен акцент на младите читатели. Целта е што повеќе да читаат книги на кое било место, во кое било време и да ги оттргнат сите непотребни оправдувања за нечитање книги. Во проектот ќе бидат преведени 10 книги од различни европски автори од 10 европски земји. Проектот е поддржан од програмата на Европската Унија – Креативна Европа. Сепак, проектот има многу поширока димензија и целта е преку различни методи да се поттикнат младите да влезат во еден поинаков свет и да читаат и да го намалат времето поминато на различните дигитални уреди, особено на телефоните… или ако веќе мора да бидат приклучени на паметните телефони, да ги користат за паметни работи и да прават нешто што ќе им подобри расположението, ќе им ја подобри меморијата, ќе го збогатат речникот, ќе се забавуваат и ќе останат позитивни. Ние веруваме дека книгите се одлична можност за тоа, без разлика дали се чита преку печатена книга, е-читач или некој друг уред.

Објавено на

Рецензија на Викторија Михајловска за „Единственото сеќавање на Флора Бенкс“ од Емили Бар

„Ја гледам раката. На неа пишува: ФЛОРА. Биди храбра.“

Флора Бенкс е седумнаесетгодишна девојка, која боледува од АНТЕРОГРАДНА АМНЕЗИЈА  форма на амнезија која се карактеризира со неможност за пренесување информации од краткотрајната во долготрајната меморија. Со други зборови, сѐ што ѝ се случува таа многу брзо го заборава. Флора има развиено техника за да си помогне сама на себе, таа запишува сѐ! Запишува на нејзините раце, на ливчиња што и служат како белешки, и секако во дневник. Но, една вечер ќе се промени сѐ, таа го бакнува Дрејк- момчето на нејзината најдобра пријателка. Таа се сеќава на тој бакнеж, тоа е првото сеќавање што успеала да го зачува од својата десетта година. Таа верува дека го пронајде лекот за нејзината болест – љубовта. Но, Дрејк веќе го нема, отиде на Северниот пол, на Арктикот. Мотивирана да го пронајде лекот за нејзината состојба, да ја пронајде љубовта на нејзиниот живот – таа се впушта во нејзината животна авантура.

Книгава е феноменално дело, умешноста на писателката ме натера да се запрашам колку ли е тешко секој ден за се запознаваш себеси одново и одново, но, и колку ли им е тешко на тие околу тебе. Многу пријатно ме изненади крајот на книгата, очекував да биде предвидлива книга за млада тинејџерска љубов, но не бев во право. Сметам дека секој што би ја прочитал книгава би извлекол некоја поука, особено од “животните правила на Флора”, кои што ги обожувам. А, дали Флора ќе го најде Дрејк? Дали ќе го најде лекот ? И, дали е сѐ така како што изгледа? Оставам на вас да откриете.

Препорачувам. 5/5

Објавено на

Што би одбрале, тврд повез или мек?

Што би одбрале? Тврд повез или мек? Во подготовка ни е една урнебесна приказна за деца со преслатки илустрации во боја и пред да ја испратиме корицата во печат се мислиме дали да биде во тврд повез, бидејќи некако многу малку е застапен кај нас. 🤔

Можете да гласате овде:

http://www.strawpoll.me/embed_1/42979865/r

Објавено на

Како настанал светскиот ден на книгата?

 
 Што всушност е #BooksAndRoses?

BooksAndRoses следи една стара светска традиција за да можат сите со насмевка да ја прослават литературата. 23 април е денот кога книгите, розите и љубовта се соединуваат како дел од една стара традиција што се слави во Барселона / Каталонија, а која полека зафаќа светски рамки.

Сè започна со легендата за еден витез кој станал светец, една принцеза и еден змеј. Во 15-иот век, давањето роза на саканата жена на 23 април (Ѓурѓовден) стана традиција во Каталонија. Во 1920-ите, традицијата на давање книга на саканиот маж беше додадена.

Во денешно време, традицијата е веќе широко прифатена и има книги и рози за секој. Некогаш низ времето, група од каталонски издавачи пристапиле до UNESCO и во 1995 година датумот 23 април бил прогласен како Светски ден на книгата и авторските права.

„Симболичен датум за светската литература“ бидејќи тој датум исто така означува и многу раѓања и многу заминувања од овој свет на многу писатели, како Вилијам Шекспир, Мигел де Сервантес, Морис Дрион, Халдор К. Лакснес, Нгаио Марш, Владимир Набуков, Викторија Глендининг, Жозеп Пла, Тереза де ла Пара, Памела Линдон Траверс или Мануел Мехија Валехо.

На овој линк можете да си креирате ваша дигитална роза и да им ја испратите на вашите најблиски 🙂

https://booksandroses.cat/rosavirtual/en/

Наша прва објавена книга од каталонски автор е „Проклетството на Палмизанови“ од Рафел Надал. Во подготовка се книгите од популарниот Жаума Кабре. Во чест на овој прекрасен ден, само денес книгата „Проклетството на Палмизанови“ можете да ја купите со 50% попуст.

Бонус видео:

Објавено на

„Со тек на време сите сфаќаме дека сѐ во животот е лекција“ – Рецензија на Билјана Ц. Наумовска

“После секое паѓање, најважно е станувањето”. Ова е цитат од автобиографското дело на нашата авторка Biljana Martinovska Но, знаеме ли колку пати ќе го искусиме тој предизвик во животот? Колку пати човек треба да падне и да се се бори за своите права, за својот интегритет?Уште од првите страници на книгава ја осетив сета болка во неа. Читав…ја оставав…неколку пати вчера. За да ги смирам емоциите, да го смирам гневот и тагата во мене.Авторката ни открива низ каква голгота поминувала, недели, месеци па и години после доживеаната сообраќајната несреќа. Кома, посттрауматска амнезија, операции, болки! Колку и да се обидува да не мисли на мракот, не ја гледа светлина. Најголема енергија црпи од својата ќеркичка, од нејзините очи, полни со надеж. Мајка е! А, ниту во мислите, ниту во говорот не постои збор со поголема вредност и сила, од мајка! Таа сила, со поддршката од своите најмили, сепак ќе успее! Со тек на време сите сфаќаме дека сѐ во животот е лекција. Го учиме Јин јанг концептот. Симболот кој ни укажува дека во вселената има две главни, контрадикторни , но комплементарни сили. Дури и оние луѓе, кои и покрај нашата физичка болка, свесно или несвесно, ни нанеле емоционална болка, биле со некаква причина во нашиот живот. Важно е само да научиме да се апстрахираме од нив. Ние самите сме тие кои во својот когнитивен и морален систем носиме одлуки, за тоа каде и со кого, сакаме или не сакаме да бидеме.Ѝ честитам на авторката за нејзината храброст и ѝ се заблагодарувам што, преку оваа книга, со таква топлина во зборовите, нѐ учи како да бидеме подобри, посрдечни и почовечни! Редок човек меѓу безброј луѓе си, мила Биле.

♥️