Книжарница
Бул. Партизански одреди 70Б-локал 9
Успешно претставување на саемот на книгата во Франкфурт: Издавачката куќа „Бата Прес“ отвора нови европски хоризонти за македонската книжевност
Франкфуртскиот саем на книгата (Frankfurter Buchmesse) е најголемиот и најзначајниот меѓународен настан во светот на издаваштвото. Секоја година, овој глобален книжевен центар собира десетици илјади издавачи, автори, преведувачи и љубители на пишаниот збор од над 100 земји. Саемот претставува клучна глобална платформа за размена на авторски права, воспоставување меѓународни соработки и промоција на националните култури.
Годинава, со голем ентузијазам, професионализам и гордост, македонската издавачка куќа „Бата Прес“ од Скопје, заедно со колегите од Македонската асоцијација на издавачи (МАИ), вложи голем напор за достојно претставување на современата македонска книжевност, авторските права и литературата за деца и млади на светската сцена.
Покрај активното учество во македонскиот национален каталог и колективните презентации, тимот на издавачката куќа „Бата Прес“ оствари значајни директни средби со меѓународни издавачи.
Со особено задоволство сакаме да ве информираме за еден од најважните резултати од нашата саемска агенда: токму во Франкфурт, издавачката куќа „Бата Прес“ официјално склучи договор со реномираната германска издавачка куќа „Шченк верлаг“ (Schenk Verlag). Со овој значаен меѓународен договор, успешниот роман „Куќата со жолта фасада“ од нашата истакната македонска писателка Билјана Мартиновска наскоро ќе биде преведен и објавен на германски јазик, станувајќи достапен за публиката во германското говорно подрачје.
Издавачката куќа „Бата Прес“ останува цврсто посветена на својата мисија — промоција на македонски автори во странство, пласман на македонската литература на светскиот пазар и склучување нови договори за преводи на странски јазици.
Ви благодариме за поддршката и продолжуваме заедно да чекориме кон нови меѓународни успеси!
Summary in English:
Bata Press Represented Contemporary Macedonian Literature at the Frankfurt Book Fair
The Macedonian publishing house Bata Press (Skopje, North Macedonia), alongside the Macedonian Publishers Association (MAI), successfully presented contemporary Macedonian literature and children’s books at the world’s largest publishing event — the Frankfurter Buchmesse (Frankfurt Book Fair).
During the fair, Bata Press officially signed an international publishing and translation rights agreement with the German publishing house Schenk Verlag. Under this contract, the acclaimed novel “The House with a Yellow Facade” (Куќата со жолта фасада) by Macedonian author Biljana Martinovska will be translated and published in German.
This achievement aligns with the ongoing mission of Bata Press to promote Macedonian writers internationally, facilitate translation grants, and expand the reach of Macedonian literature across foreign markets.