Барем да ѝ кажев

БАРЕМ ДА Ѝ КАЖЕВ ДЕКА ЈА САКАМ, 

СÈ ЌЕ БЕШЕ ПОИНАКУ… 

Фин отсекогаш ја сакаше Отум. Таа не е само девојче од соседството или ќерка на најдобрата пријателка на неговата мајка – таа е целиот негов свет, целата негова приказна, неговото сѐ. Сепак, таа не му е девојка. Неговата девојка е Силви, а Фин никогаш не би ја повредил и затоа не сака да ѝ признае на Отум што навистина чувствува.

Најдобриот пријател на Фин, Џек, не може да разбере како Отум не знае дека Фин ја сака. Ги виде заедно и сигурен е дека е само прашање на време кога повторно ќе му го скрши срцето.

Меѓу неискажаните зборови и неоткриените тајни, потребен е само момент за да се смени сѐ.