Автори и дела VIII
10% во поени

Автори и дела VIII

300 ден

Регистрирај се, нарачај ја оваа книга и освој 30 Поени!
Категории , , Ознака:

Опис

Во книгата Дрвошанов анализира самостојни дела од Мери Јосифовска, Дијана Петровска и Славчо Ковилоски, чиј заеднички признак е македонството. Изданијата што се предмет на анализа се публикувани во периодот од 2018 до 2021 година. Тие се уникатни дела од македонски научници, претставници на новата генерација македонисти, кои се доктори по филолошки науки и кои веќе се етаблирани научници од различни хуманистички дисциплини: македонска ономастика, методика на наставата по македонски јазик и историја на македонската книжевност.

Дрвошанов темелно ја анализира првата одделна монографија за целокупниот антропонимски систем во конкретен регион (Крушево) во македонската ономастика, изработена од македонскиот научник Јосифовска. Трудот на Петровска за учебниците по македонски јазик е единствен по опсегот и по интерпретацијата на оваа комплексна материја за најгорливото прашање во воспитно-образовниот процес во основното образование во Македонија. Анализираната монографија на Ковилоски е прв научен труд со интердисциплинарен карактер што ни овозможува јасна согледба на македонското женско творештво и на подвигот на македонските жени во XIX век.

Проф. д-р Васил Дрвошанов е автор на четириесет книги од областа на лингвистиката и на македонската книжевност.

Дополнителни информации

Тежина 0.3 кг
Димензии 1 × 14 × 20 cm
ИСБН

9786082532615
Број на страници

204
Година на објавување

2024
Повез

Мек

Писател

Васил Дрвошанов

Васил Дрвошанов е јазичар, критичар и поет. Роден е на 13 јули 1951 година во с. Моноспитово, Струмичко, каде што го завршил основното училиште. Гимназија завршил во Струмица во 1970 година. На Филолошкиот факултетдипломирал во 1974, магистрирал во 1981, а докторирал во 1989 година. Сега е научен советник / редовен професор во пензија. Дрвошанов бил виш научен соработник и директор на Институтот за македонски јазик „Крсте Мисирков” во Скопје (1990–1995); заменик-министер во Министерството за наука на Македонија (1996–1998); еден од основачите, прв продекан и редовен професор на Педагошкиот факултет во Скопје (1996–2012); главен уредник на ревијата за литература, култура и уметност на Друштвото на писателите на Македонија „Стожер” (2002–2004); уредник или соуредник на десетина зборници научни трудови и др. Со свои прилози тој има учествувано на осумдесет и пет домашни и меѓународни научни конгреси, конференции и собири. Има објавувано свои научни и стручни прилози во голем број зборници, списанија и весници. Списокот на објавените трудови содржи над четиристотини библиографски позиции.

Критики

Нема критики сеуште.

Само најавени корисници кои го купиле овој продукт може да остават коментар.

Вие исто така би сакале…

Поврзани продукти