Мирисот на другите

„Мирисот на другите“ е повеќеслоен роман што се одликува

со суптилни и длабоки психолошки портрети на ликовите.

Приказната се развива како круговите што се шират кога ќе

фрлите камен во вода и тие почнуваат да се пресекуваат и

спојуваат. Иако помеѓу некои од осумте ликови има

растојание од цели сто години, тие длабоко си влијаат едни

на други – па, така, разврската или јазот во приказната на

еден лик се разрешува во судбината на сосема друг лик.

Низ судбините на медицинската сестра, банкарот,

новинарот, отоманскиот паша, историчарот и други, романот

ги отсликува малите случајности што докажуваат колку

животот знае да биде магичен и неизвесен.

„Мирисот на другите“ долго ѕвони во мислите на читателот,

оставајќи го со прашањето: Кој знае чиј сѐ живот сме

допреле и на кого сè сме му влијаеле, сосема несвесни за тоа

додека само сме минувале покрај нив?