Објавена книгата „Светска болка“ од Ајфер Тунч

Ајфер Тунч е популарна турска авторка која гостуваше на фестивалот „Проза-балкан“ во Скопје. Таа е добро позната на македонската публика и по уште две нејзини книги објавени на македонски јазик, од кои едната книга „Случајот на господин Азиз“ е истовремено добитничка на интернационалната награда „Балканика“. Покрај оваа награда, таа е добитничка на многу други интернационални и национални награди.

Во едно рударско гратче обземено со златна грозница, кое со секој ден станува сѐ полакомо, Муршит е принуден да биде „глава“ на семејството и менаџер на хотелот што му останал наследство од таткото, иако тој имал поинакви желби. Вистинското пријателство го пронаоѓа во Маденџи, на кого хотелот на Муршит му е засолниште во бегството од демоните што ги оставил во Истанбул. Видувањето на светот од двајцата пријатели на читателот му донесува содржини од недоличните страници од минатото на Турција. Трагичните историски настани ги следат бестрашните коментари на авторката што таа ги изнесува со вообичаениот недостаток на сентименталности.

Во романот Светска болка, чијашто заднина е исткаена од општествени трагедии и приказни за колективното безумие, означена е јасна граница што ги разделува луѓето одлучни да се пресметаат со минатото од остатокот на општеството во кое живеат.

Пред нас е делото на Ајфер Тунч, турската писателка без влакна на јазикот – потресен роман што настанал во дваесет и петтата година од нејзината писателска кариера.

Светска болка е тупаница стисната од зборови.