„Приказната за животот на Магдалена е богата, полна со емоционален интензитет, раскажана со брилијантната јасност со пенкалото на Мангера Брејнард. Романот ме натера да заплачам и да воздивнувам. Толку многу ме потсети на семејството на мајка ми, што морав да го оставам романот настрана на половина на приказната.
Интензитетот и јасноста што романот ги носи со себе се како силна сончева светлина, светлина во која не можеш да гледаш директно без да ослепеш.
Исто како семејството на мајка ми, семејството на Магдалена е мешавина од шпанско и кинеско потекло. Очигледно, силните емоции и нивното изразување не се карактеристика својствена само за членовите на семејството од страната на мајка ми, како што би сакала да си мислам. Оваа книга, напишана толку далеку од родните брегови на авторката (и моите), ми покажа дека фикцијата е исткаена од многу вистински конци, дека раскажува животи што многу лесно можело да се живеат во родното место на мајка ми, во Висајас. Оваа книга ме погоди директно во срце.
Ретко кога сум прочитала толку извонредна умешност во раскажувањето каква што може да се види на страниците од овој роман. Авторката го користи историскиот контекст на Филипините под јапонска окупација со максимален ефект, ги разорува емоциите на читателот, безмилосно и без да поштеди никого. Умираш однатре и повторно оживуваш кога чувството на надеж ќе те погоди – а ќе те погоди.
Прочитајте ја „Магдалена“ за да видите како силата и убавината на овие жени се протегаат низ три генерации и ја поразуваат дури и смртта.“
— Г. Алма Анонас-Карпио
Можеби ќе ви се допадне...
Тежина
300 кг
Димензии
21 × 14 × 2 cm
ИСБН
978-608-253-321-6
Корица
мека
Година на објавување
2025
Превод
Александра Златановска
Број на страници
246
Наслов на оригиналот
Magdalena
Писател
Сесилија Мангера Брејнард
Сесилија Мангера Брејнард е авторка и уредничка на повеќе од дваесет книги, меѓу кои се и романите: „Кога божицата на виножитото заплака“, „Магдалена“ и „Вдовицата од весникот“. Таа има уредувано книги, вклучувајќи ги и популарниот „Да се порасне како Филипинец: Приказни за млади“ и неговото продолжение популарниот „Да се порасне како Филипинец II“. Исто така ги уредуваше „Фикција од Филипинци во Америка“ и „Модерна фикција од Филипинци во Америка“, меѓу многу други. Нејзината збирка „Одбрани кратки приказни“ беше објавена во 2021 година од издавачката куќа на „Универзитетот Свети Тома“.
Делата на Сесилија се преведени на фински и турски јазик, а многу од нејзините раскази и статии се широко застапени во антологии.
Таа е добитничка на стипендија од Советот за уметност на Калифорнија за проза, на наградата од Фондот за уметност „Броди“, добитничка на специјална награда за признание за нејзината работа со азиско-американски млади луѓе, како и добитничка на Сертификат за признание од Сенатот на државата Калифорнија, 21-ви округ. Исто така е наградувана од филипинските и филипинско-американските заедници на кои им служела. Во 1998 година, ја доби наградата за Извонреден поединец од нејзиниот роден град Себу, Филипини. Има добиено неколку грантови во Филипините од USIS (Информативна служба на САД). Во 2001 година, ја доби наградата за уметност од списанието „Филипинас“. Нејзините книги се добитници на наградите „Гурманд“ и „Гинтонг Аклат“.
Има одржувано предавања и настапи во светски познати книжевни организации и универзитети, меѓу кои се УКЛА, Универзитетот во Јужна Калифорнија, Универзитетот во Конетикат, Универзитетот на Филипините, Меѓународната писателска организација, Културниот центар „Бијонд Барок“, „Шекспир и компанија“, познатата книжарница во Париз, и многу други. Таа ја поседува и управува со ФАИК (Филипинско-американската издавачка куќа).
Мажена е за Лорен Р. Брејнард, поранешен волонтер на Мировниот корпус во Лејте, Филипини; имаат три сина.
Нејзината официјална веб-страница е ceciliabrainard.com.
Критики
Нема критики сеуште.
Само најавени корисници кои го купиле овој продукт може да остават коментар.
Критики
Нема критики сеуште.