Скршена тишина

Елизабета Бандиловска е лингвистка, лекторка, лексикографка, поетеса и просветно-научна работничка. Родена е 1973 година во Ресен. Работи како редовна професорка на Педагошкиот факултет „Св. Климент Охридски“ – Скопје каде што предава предмети од областа на македонскиот јазик. Коавторка е во шесте тома „Толковен речник на македонскиот јазик“ и член на редакцијата на е-изданието на Речникот. Авторка е на три книги од областа на македонската лексикологија. Коавторка е на два учебници од областа на македонскиот јазик. Добитничка е на државната награда „Гоце Делчев“ за 2015 г. Претседателка е на Здружението на лекторите на РСМ. Член е на Друштвото на писателите на РСМ. Збирката песни „Скршена тишина“ е нејзина четврта поетска книга. Досега ги има објавено збирките песни „Самовилска сонувалка“ (2017), „Река без брегови“ (2019) и „Здивот на полноќта“ (2019).