Ново

Равенка на стравот

300.00 ден

Опис

Ако можете да ја замислите сликата на која гавранот на Едгар Алан По очајнички се обидува да излета од мрачниот тунел на Ернесто Сабато, тогаш го добивате егзистенцијалниот и психолошки профил на Калина – млада, талентирана сликарка, чие учество на ликовната колонија во луксузната вила на уметникот Емилијан Де Ремарос, во Сиена, ненадејно ќе се претвори во длабока животна драма на себеоткривање, себеспознавање и борба со сопствените пороци. „Равенка на стравот“ е храбро соочување на индивидуата со потиснатите морални дилеми и стравови во себе; талкање низ мисловниот лавиринт на личноста во обид да се победи самотијата и да се оствари личната слобода и среќа. Како што раката на сликарот вешто ги нанесува боите врз белото платно, така раскажувачот создава магично-синестезичен свет од бои, звуци, мисли, перцепции, во кој сепак, последниот збор ѝ е посветен на љубовта.
Трајче Стамески

Романот „Равенка на стравот“ е приказна-сведоштво за творечката еволуција на младата Верица Мукоска, како во насока на изградба на движењето и концизноста на мислата и нејзиниот јазичен израз, така и во поглед на кристализација на самите наративи, на две приказни – во Сиена и во Љубаништа, кои се надоврзуваат како голема и мала премиса.
Стефан Марковски

Дополнителни информации

Година на издавање

2021

Димензии

140×205

ИСБН

978-608-253-161-8

Корица

мека

Број на страници

178

Коментари

Нема коментари

Бидете првиот што ќе коментира“Равенка на стравот”

Вашата адреса за е-пошта нема да биде објавена. Задолжителните полиња се означени со *