Објавено на Остави коментар

“Волшебницата од долниот кат” – Марчин Шчигелски (превод од Полски: Звонко Димоски, цртежи: Магда Вошик)

Добро е одвреме-навреме, помеѓу “посериозните” дела, да се прочита и нешто првенствено наменето за деца (можеби повеќе и за тинејџери), кое може да го прочита секој. Многу интересна приказна, преубав дизајн на цела книга (корицата и многубројните цртежи внатре), ја препорачувам на сите кои сакаат да се одморат со лесна авантура/мистерија. Преводот е супер, а дознав и дека веќе се работи на преведување на вториот дел од серијалот (вкупно се 6 книги) ⭐️⭐️⭐️⭐️⭐️

Објавено на Остави коментар

Роман кој изобилува со длабоки психолошки понирања, со многу филозофски погледи и мисли за животот, љубовта и родителството – Слаѓан Бишковски

Што следува кога ќе изгубиме парче од своето срце, делче од својата душа? Младата и наивна Ева никогаш не претпоставува дека ќе треба да научи да живее со болката, што ќе и’ го парчоса целото невино и добродушно битие. Откако ќе го запознае црноокиот Виктор, таа е шармирана и потполно освоена од неговиот хумор, амбициозните погледи кон светот и мирисот на несебичната љубов што се вее околу него. Целосно е обземена од тој мирис и се препушта со широко отворено срце во неговите прегратки.Минуваат години поминати во чисто задоволство, радост и исполнетост, се’ додека трагедијата не затропа на вратата од животите на Ева и Виктор…Приказна за една жена која мора повторно да научи да живее. Приказна за траумите од минатото кои влијаат и врз иднината, неповратно загрозувајќи ги шансите за нова среќа. Приказна за тагата, борбата со депресијата, но и за силната врска на пријателството, мајчинството и себевреднувањето. Роман кој изобилува со длабоки психолошки понирања, со многу филозофски погледи и мисли за животот, љубовта и родителството.Ми се допадна тоа што поглавјата беа пократки; книгава се чита многу брзо, иако темите што ги опфаќа не се баш лесни, се’ тоа надополнето со убав и концизен раскажувачки стил на пишување.И’ посакувам уште многу успеси на авторката Biljana Martinovska , ова е нешто што треба да биде прочитано. 🙂

Рецензија на Славен Бишковски

Објавено на Остави коментар

Денови на детската имагинација

Од 31.03 до 11.04 во сите книжарници на Literatura.mk како дел од кампањата „Денови на детската имагинација” сите наши детски книги се на 20% попуст.

Како што информираат од книжарниците Литература.мк:

„Читањето е извор на задоволство, извор на имагинација, фантазија и креативност, знаење и информации. Добивањето индивидуални читатели треба да биде главна цел на образованието на децата. Но, покрај образованието, сите ние треба навистина многу да работиме со нив за да се стекнат со навика за читање и љубов кон книгите, како и за да ја развиеме нивната имагинација и креативност уште од најрана возраст. За да ви помогнеме во овој процес, ги започнуваме првите „Денови на детската имагинација” во сите наши книжарници, кои ќе траат од денес до 11 април и каде што ќе можат да се купат најразлични изданија за деца на македонски и англиски јазик, како и бројни едукативни играчки и други производи за развивање на детската фантазија.“

Летокот со дел од производите кои се дел од оваа акција можете да го погледнете во продолжение: http://bit.ly/denovinadetskataimaginacija

Сите наши книги на 20% попуст:

  1. Ереб
  2. Единственото сеќавање на Флора Бенкс
  3. Хотел со големо Л
  4. Пирати од леденото море
  5. Слаткарницата на кривогледиот Џим
  6. Волшебницата од долниот кат
  7. Вон жариштето
  8. Крадецот на луридиум
  9. Тајниот портал
  10. Агентот на орбулаторот
  11. Бела како снег
  12. Црна како абонос
  13. Го видовте ли моето шарено глувче
  14. Различно, но исто
  15. Ежот и костенот
  16. Духот на капинката и жолтоклунчето
  17. Саботна бура
  18. Младата кираз

Објавено на Остави коментар

„Ова е приказна која се повторува со векови“ – Марина Стевковска

„Книга за црнците“ е најголемиот и единствен документ за црните луѓе во Северна Америка се до крајот на осумнаесеттиот век. Таа ги содржи имињата и деталите за 3000 црни мажи, жени и деца , кои, откако служеле или живееле во заднината на британските единици за време на Американската војна за независност, испловиле од Њујорк до различни британски колонии.

„Некој ми го знае името“ е приказна за Амината, црна девојка од Бајо, Африка, која е киднапирана и продадена како робинка во Америка во осумнаесеттиот век. Родена како слободна муслиманка, таа завршува врзана на брод претоварен со робови каде е воедно и сведок и жртва на насилства и изживувања од страна на белиот екипаж. Во Америка е продадена на плантажа за индиго каде исто така е жртва на самоволието на белиот газда. Амината е бистра, паметна девојка која знае да чита и пишува, што е реткост за жена во тој период, особено црна. Таа е добар раскажувач, како и нејзиниот татко, и преку нејзината животна приказна, одблиску ја запознаваме судбината на црните робови во Америка. Од моментот кога е киднапирана близу својот дом во Африка, Амината е тепана, силувана, злоставувана, малтретирана на сите можни начини. А сепак, таа никогаш не ја губи надежта дека еден ден ќе се врати дома во родното село. Внатре во душата, таа е секогаш слободна.Авторот на еден многу сликовит и емотивен начин ја раскажува судбината на робовите. Ова е приказна која се повторува со векови, приказна која, нажалост, се случува и денес. Срце ти се кине кога Амината ги опишува малтретирањата на бродот кој плови кон Америка. Душа те боли кога од раце ѝ го земаат првороденото дете за да го продадат. Ова е една длабоко емотивна и потресна историска приказна која е базирана на вистински настани и според неа е снимана и телевизиска серија со наслов „Книга за црнците“.Она што особено ми се допаѓа кај ваквите изданија е токму форматот. Книгата е доволно малечка за да ја собере во секоја чанта или ранец, со доволно голем фонт и широк проред за лесно да се чита. Цели 650 страници прочитани за три дена одење и враќање од работа, во градски автобус. Големо БРАВО за едицијата „Книга Достапна Секому“!

Објавено на Остави коментар

ДА ГО ДОЧЕКАМЕ ОСМИ МАРТ ПОДГОТВЕНИ СО КНИГИ ЗА ПОДАРОЦИ

Во пресрет на Денот на жената, ве покануваме на Деновите на книгата во Skopje City Mall, каде што ќе можете да купите книги за себе или за вашите блиски жени. На тој начин ќе го обележиме 8 март онака како што заслужува – славејќи ја борбата за рамноправност на жената со симболот на еманципацијата: КНИГАТА! Книгите на нашите издавачи од 3 до 8 март ќе ги најдете на едно место, по најповолни цени. Се гледаме!

Објавено на Остави коментар

„Никогаш до сега не сум подвлекувала реченици во книга, овој пат зедов молив и подвлекував“ – Ана Петровска

#мојапрепорака
#осврт

“ТОЧКА НА ВРАЌАЊЕ”
Biljana Martinovska🌹
“Силата на жената произлегува од факт што ни психологијата не може да го објасни!”
Овој цитат е на Оскар Вајлд и скоро го прочитав во една книга, афтобиогравска книга на една наша авторка, моја пријателка, жена-лавица, жена борец, мој херој….Билјана Мартиновска🥰
За првпат читам ваква книга “Точка на враќање”, книга каде што секој напишан збор ми ја кинеше душата, секоја реченица ја пролеав со солзи, секоја страница ме доведе до состојба да размислам….што е животот, која сум јас, која ми е целта и кои се вистинските луѓе во мојот живот…..борба, животот е борба.
Колку е човекот слаб и суров кон себе кога е оставен сам на себе и кога ништо друго не му е важно освен да биде што подалеку од тоа место наречено болница, па колку и да е тоа неопходно за него. Никогаш до сега не сум подвлекувала реченици во книга, овој пат зедов молив и подвлекував, сакав секоја мисла да ја запомнам, сакав да ви доловам преку некои реченици низ што се поминала авторката, која била пред и после несреќата и која е сега.Но, драги мои…подобро сами да прочитате. Животот може да се смени само додека трепнеме, на подобро, на полошо….Прочитајте ја животната приказна на нашата авторка, нејзината борба, есејот на нејзината ќерка Ана, прочитајте за тоа која е ѕвездата водилка низ тешкиот период на авторката, нејзината желба за живот и процесот на нејзино закрепнување.
“Утре, повторно ќе бидам дел од животот надвор. Дел од она што за мене беше живот пред да ми се подели тој живот на “пред” и “потоа””!
Тоа “утре”дојде ! Билјана е наша надежна авторка која скоро го издаде и своето второ дело.
Само напред лавице, ти посакувам успеси и безброј среќни моменти во животот❣ Си заслужила👏👏👏👏
Моја препорака!

Објавено на Остави коментар

„Напнат, неизвесен и за мене тотално неочекуван расплет“ – Илинка Цекова

Човек од костени – Сорен Свејструп (Бата прес 2020)

Есен во Данска. Сериски убиец на улиците на Копенхаген. Жртвите се жени, самохрани мајки, чии деца се злоставувани. Ампутирани дланки, стопала, прободен череп(најчесто низ едното око) и еден печат на местото на злосторството, човече направено од костен и чкорчиња на место екстремитети е заедничкото за сите случаеви. И како сето тоа да не е доволно морбидно, на човечето се наоѓаат отпечатоци на исчезнато девојче(исчеснато веќе една цела година), ни помалку ни повеќе, ќерка на министерката за социјални работи на Данска. Како е тоа можно? Дали е жива иако случајот е затворен и виновникот е во затвор, а делото е признато? Која е воопшто врската меѓу жртвите и девојчето?
Истрагата ја водат двајца одлични детективи, едниот повратник од Европол под казна и другата со последните денови во одделот пред да биде унапредена. Двајцата трпат притисоци од надредените да не отвараат затворен случај, имаат огромен притисок од јавноста, но со интуицијата и разумот полека но сигурно го решаваат случајот.
Ова е крвав трилер, треба желудник, има злоставување деца, убиства со измачување и касапење. Напнат, неизвесен и за мене тотално неочекуван расплет.
Ако по првата книга се навестува годината, крвава ќе биде 😁.

Објавено на Остави коментар

„Сите ние сакаме да ја запознаеме таа наша посебна личност со која ќе се сакаме и ќе се чуваме засекогаш“ – Бојан Радичевски

Резенција за книгата “Еден ден во Декември” од  Џози Силвер

Една убава, релаксирачка, празнична романса која покажува дека вистинската љубов има секогаш шанса да ја дочека можноста за да почне да цвета и живее, без разлика колку време е потребно.

 Се започнува  на еден ден во декември кога празничната еуфорија започнува да зема голем замав. Лори се враќа од својата несреќна работа во еден хотел и случајно низ прозорецот здогледува еден млад дечко. И толку треба.  Еден поглед е понекогаш доволен за љубов. Тоа и се случува тука.  Лори деноноќно го бара тоа момче, за да на крај дознае една ужасна вистина. Работата се коммплицира со тоа што нејзината најдобра другарка без да знае дека тоа е момчето за кое нејзината цимерка и другарка и раскажуваше, се вљубува во него. Од тука натака почнува борбата за љубовта која зема непредвидливи насоки.

Проткаена со елементи на драма, среќа, тага, пријателство и пожртвуваност за мене претставува едно прекрасно дело.  Сите ние сакаме да ја запознаеме таа наша посебна личност со која ќе се сакаме и ќе се чуваме засекогаш. Но, тоа што се случува да го отежни патот или да го олесни патот до целта е само тест да види дали навистина го сакаме тоа кон кое целиме. Во овој случај тоа е потрагата кон нашата сродна душа.

Мене тоа што ми остави најголем впечаток е тоа што оваа книга ми покажа како личи вистинско пријателство, како изгледа вистинска љубов и едноставно борбата која се води за да сме среќни.  И понекогаш за сето тоа да започне, потребен е само еден поглед.

Бојан Радичевски

Објавено на Остави коментар

„Кога си мал сакаш да пораснеш, а кога ќе пораснеш си носталгичен кон детството“ – Рецензија на Стефани Табаковска

„Волшебницата од долниот кат“ од Марчин Шчигелски

Со прекрасни илустрации, ова е приказната за малата Маја која го поминува летниот распуст во куќата на Бабуле. А, во куќата и околината на Бабуле се случуваат безмалку чудни работи….необични звуци се слушаат од таванот, а се чини дека мачорот и верверицата може да зборуваат. Маја е испратена надвор од Варшава поради предвременото раѓање на нејзината сетричка и родителите го поминуваат поголемиот дел од времето во болница. Маја го поминува времето гледајќи телевизија. Слатко се насмеав на: Одиш кај Бабуле и готово – потврди мајката. Бог ќе те казни за оваа неправда – врати тажно Маја, како тие госпоѓите од попладневните серии и отиде во својата соба. Иако првата ноќ во домот на Бабуле поминува бавно и планира како утредента ќе се јави на родителите и ќе замоли да ја земат дома, следниот ден сосема заборава на оваа своја намера како и дека Бабуле нема телефон нити телевизор во боја. Опишана како современа бајка за деца, книгава ќе ве потсети на времето без технологија и паметни уреди, на детството поминато во двор или играјќи се на улица, на распустите на село…. на едно поедноставно, но истовремено поубаво време. Кога си мал сакаш да пораснеш, а кога ќе пораснеш си носталгичен кон детството. Има мошне комични моменти, илустациите ви ги доловив на втората фотографија.

Илустрациите се на Магда Вошик

Сметам дека повеќе е за тинејџери отколку деца бидејќи стилот на пишување е можеби малку комплициран за дете, има зборови и фрази кои би биле неразбирливи или за кои би требало дополнително објаснување. А, секако ја препорачувам и на возрасните, слатко ќе ве насмее и ќе ве замисли. Ова е авантурата на Маја и нејзината имагинација, мачорот, верверицата и Лажливите Лилии. И Бабуле, да не ја заборавиме Бабуле! 😀Изданието е на Бата прес.

#КнигаНаДенот

Стефани Табаковска

Објавено на Остави коментар

Преубава рецензија за „Еден ден во декември“ на Ана Ѓурова

#рецензии

Ова е толку емотивна, длабока,но пред се толку реална приказна за љубовта, но и за пријателството и за довербата во него. Што може еден момент,еден поглед,една средба да ни направат во животот?Хаос,губење на пријателство,губење на надеж и верба во љубовта и во животот.Некогаш ќе изгубиме едно,а некогаш ќе ги изгубиме сите тие значајни нешта за нас.Толку романтична,толку топла,толку моќна, љубовна приказна која ќе допре до душата,до срцето на секој читател.На моменти ќе се поистоветувате со ликовите, кои се толку реално опишани што ќе се соживеете со нив.Совршен виор на емоции во кој ќе бидете апсолутно вовлечени.Пријатно ќе ве изненади и топло ќе ве воодушеви.Нема да ве остави рамнодушни и ќе ве држи до самиот крај.Оваа возбудлива и неизвесна приказна ви ја препорачувам.

Приказната е за двајца млади кои со еден случаен поглед остануваат врежани во своите срца.Нивната случајна и необична љубов ќе опстои тајно 10год. десет божиќни вечери ќе поминат за на крај да бидат конечно заедно.Лори е млада девојка која еден ден во декември,случајно низ прозорецот на автобусот ќе здогледа еден дечко.Во тој магичен момент ќе им се сретнат погледите,срцата ќе им се растреперат,но тогаш автобусот ќе тргне.Лори не може да го заборави и цела година се обидува да го пронајде,но не успева.Срцето и останува скршено и таа решава да го заборави и да продолжи.Но судбината ги вплеткува своите прсти и им ги испреплетува нивните патишта,како што не можат ни да замислат.Нејзината цимерка и пријателка Сара ја запознава со својот нов дечко.Во моментот Лори доживува шок, неверување,тоа е тој,нејзиниот мистериозен дечко кој го бара цела година,но го пронајде нејзината пријателка.И тука почнува хаосот и немирот во нивните срца.Лори одлучува да молчи и да продолжи понатаму,но срцето и тагува и со секој негов поглед и се крши.Настапуваат тешки моменти,тешки одлуки кои не се толку лесни и едноставни.Што понатаму се случува,како преживува нивната љубов 10 мачни години и како ќе успеат да бидат заедно,прочитајте сами.Верувајте крајот ќе ве воодушеви и ќе ги остави трага.

Незаборавна љубовна приказна која ќе ве трогне и ќе ве замисли.Што мислите дали вие би можеле 10год. да преживеете и да ја чекате својата љубов,која настапила со еден поглед?Можеби ќе успеете,а можеби не.Не знаеме што носиме и што ќе одлучи нашето срце.Бидејќи иако изгледа лесно, љубовта е тешка и болна,на моменти срцепарателна.Ја чувствуваме во секој атом од нашето битие,во секоја клетка од телото,во крвта во нашите вени.На моменти е толку болна што здивот ви се откинува и мислите дека пукнатините на срцето не ќе можете да ги излечите.Срцето боли,кине,пука,но сепак продолжува да чука.Таква е љубовта, болна и со жестока страст,како некој октопод се шири по вашето тело,а неговите пипала ги вплеткува околу вас,додека срцето молскавично ви чука во вашите гради.Затоа ако ја имате љубовта покрај вас,чувајте ја и негувајте ја,бидејќи не знаеме што носи следниот момент во животот.